Hindi ako gumamit nung pantasang de ikot. Hindi rin ako gumamit nung pantasang kamay ang mag-iikot sa lapis. Sinubukan kong gumamit ng cutter, o kaya naman kutsilyo pero wala akong panahong makipaghanapan sa kanila. Kaya tingnan nyo naman ang nangyari - ngipin ang napagdiskitahan. Yun lang kasi ang nandyan. Anong masasabi mo sa bagong tulis na ito? (Bago katayin, paturo naman kung pano hiwain...salamat.)
sa malayong kawalan,
naiwan ang laman;
malapit nang pagpyestahan
Ng buwitreng daraan.
-----------------------------------
Sa mesa'y inihimlay,
ang tasang nangangalay
sa mga halik ng lumbay
Na pait ang kasabay.
At kutsara'y nahulog,
alingawngaw ang tunog;
Kapiling na natulog
ang lamig na dumulog.
-----------------------------------
himig ma'y mapupulot
sa tinig na nagdulot,
'pag awit ay naudlot,
hindi na mahahablot.
